“Монгол цэргийн өдөр” өнөөдөр тохиож байна. Монгол эх орныхоо амгалан тайван байдлын төлөө зүтгэж ирсэн үе үеийн эх орончдын өдөр бол өнөөдөр юм. Энх цагт ч эх орныхоо төлөө зүтгэж буй батлан хамгаалах салбарынхны өдөр бол өнөөдөр.

96 жилийн тэртээ 1921 оны гуравдугаар сарын 18-ны өдөр Ардын журамт цэрэг Хиагт хотыг чөлөөлж, улс орныхоо бүрэн эрх, тусгаар тогтнолыг баталгаажуулах анхны түүхэн ялалтаа тунхаглаж байсан түүхтэй билээ. Тиймээс БНМАУ-ын Бага хурлын Тэргүүлэгчдийн тогтоолоор, 1946 оноос эхлэн энэ өдрийг албан ёсоор тэмдэглэж ирсэн юм.

Шуурхай.мн сайтын зүгээс  Монголынхоо батлан хамгаалах салбарын бүхий л албан хаагчид болоод Монгол эрчүүддээ баярын мэнд хүргэж байна.

Шуурхай.мн сайтын редакци