С.Зориг агсны амийг хөнөөсөн хэргийн  давж заалдах шатны шүүх хурал өнөөдөр  09.00 цагт Нийслэл дэх Эрүүгийн хэргийн давж заалдах шатны шүүхийн байранд болно. Анхан шатны шүүх  Б.Содномдаржаа, Ц.Амгаланбаатар, Т.Чимгээ нарт 24-25 жилийн ял оноосон. Шүүх хурлын дараа ял сонссон нөхдүүдээс гадна С.Зориг агсны дүү УИХ-ын гишүүн асан С.Оюун давж заалдах шатны шүүхэд хандахаа мэдэгдэж, гомдлоо хүргүүлсэн байдаг.

Түүнчлэн  шүүх түүний гомдлыг шүүх хүлээн авч, хэрэгтэй танилцан, хурлыг ийн товлосон юм.

Б.Содномдаржаа, Т.Чимгээ нарын шүүхээс сонссон ялаа хүлээн зөвшөөрөхгүй байгаа. Тэднийг үйлдсэн гэмт хэргээ нуун далдлахын тулд дөрвөн хүнийг шатааж хөнөөсөн гэх мэдээллийг Ерөнхий прокурор өгснийг ар гэрийнхэн нь эсэргүүцэж буйгаа мөн хэлцгээдэг.

Эх сурвалж: Шуурхай.мн